Shoqata për mbështetjen e personave me diabet tip 1 në Kosovë
tip1omël
tip1omël
Faktet për diabetin tip 1
- Diabeti tip 1 prekë mbi 2000 persona në Kosovë, nga të cilët afërsisht 800 janë fëmijë.
- Incidenca e diabetit tip 1 po rritet me rreth katër për qind çdo vit, veçanërisht tek fëmijët nën moshën pesë vjeç. Kjo grupmoshë ka parë një rritje pesëfish në 20 vitet e fundit.
- Diabeti tip 1 ndodh kur trupi nuk është në gjendje të rregullojë vetë nivelet e glukozës në gjak.
- Kjo ndodh sepse sistemi imunitar i trupit sulmon qelizat në pankreas që prodhojnë insulinë. Diabeti tip 1 mund të ndodhë në çdo moshë, por shpesh diagnostikohet gjatë fëmijërisë. Aktualisht nuk ka kurë për të.
- Asgjë që fëmija ose prindërit e tij kanë bërë apo nuk kanë bërë nuk mund ta kishte parandaluar diagnozën e tyre.
- Fëmijët me diabet tip 1 varen nga injeksione të shumta të insulinës ose në pompa insuline çdo ditë, vetëm për të mbijetuar.
- Një fëmijë i diagnostikuar me diabet tip 1 në moshën pesë vjeç, përballet me deri në 19,000 injeksione dhe 50,000 teste të shpimit të gishtave deri sa të mbushë 18 vjeç.
- Diabeti tip 1 nuk duhet të ngatërrohet me diabetin tip 2, i cili zakonisht diagnostikohet tek të rriturit dhe mund të lidhet me faktorë të stilit të jetesës, siç është pesha trupore. Diabeti tip 2 mund të kontrollohet ndonjëherë në fazat e tij të hershme me një dietë të shëndetshme dhe stil të jetesës, por gjithashtu kërkon monitorim të kujdesshëm dhe zakonisht nevojiten trajtime të tjera, përfshirë tableta dhe ndonjëherë injeksione insuline më vonë.
Për tip1omël
tip1omël është themeluar në vitin 2024 dhe ka mision primar ngritjen e vetëdijësimit për diabetin tip 1 dhe avokimin për kushte më të mira për trajtimin e tij